Liz Tami-Serefani i raitim

Wanpela lida bilong ol yut long Lihir ailan i mekim wanpela singaut igo long ol mama papa long wanwan Lihir komiuniti long sapotim ol wok bilong ol yangpela manmeri bilong ailan olgeta. John Tububol husait i tresera bilong Lihir Ailan Yut na Spots Asosieisen ibin mekim dispela singaut long Ton, Masahet ailan long Komiuniti Wokabaut Progrem bilong Newcrest Sasteinabel Dipatmen.

“Mi askim yupela olsem, wanem projek o progrem mipela laik wokim bilong kisim mani bilong halivim ol yut bilong yumi, mi askim yupela long sapotim mipela,” John itok. “Mipela igat 5 yia plen istap we mipela i wok long wok long en,” emi tok. Emi tok olsem ol i salim wanpela rikwes bilong Asosiesen igo pinis long wanpela steikholda tasol ol i rijektim dispela rikwes. Tasol dispela ino stopim John na ol ekseketif bilong Asosieisen.

“Dua pas long hap, bai mipela i traim long hap sait na ol samting bai wokaut.” John i tok kilia tu long ol papamama olsem Lihir Yut na Spots Asosieisen emi rejista pinis aninit long Invesmen Promousen Autoriti (IPA) na oli stap long plening mak. “Mipela bai pinisim plen na bihain maketim igo long ol steikholda em Newcrest, LMALA, LSDP na NRLLG na bai mipela i lukluk long bekim bilong ol,” John itok.

Wanpela longtaim wokman bilong Newcrest na man husait isave go pas long dispela Komiuniti Wokabaut Progrem na wok wantaim ol yut tu, i givim sampela toktok halivim long sapotim ol yut. “insait long olgeta komiuniti igat ol yut istap, igat matmat long peles husait bai wokim ol wok, lotu husait isave paitim gita, husait bai planim mi taim mi dai – ol yut,” Jimmy Peter itok.

Mista Peter itok ol mama papa na manmeri longpelesimasrispektimtuolyutbilongyumi. “Plis mi laikim yumi mas sapotim ol yut bilong yumi na yumi wok wantaim. Wanwan taim wanpela i spak na wokim bikhet ba yumi hatim ol yut, tasol olgeta taim ol gutpela pikinini bilong yumi.”

Image: John Tububol i toktok long ol papamama, pikinini na ol yut long Ton peles, Masahet ailan. Liz Tami i kisim piksa.

Anitua and NCS Newsletters now available for download

Go to top