By Liz Tami-Serafeni

Ol singsing na danis tumbuna ibin kamap long welkamim niupela sip bilong ol pipel bilong Lihir, MV Lihir Destiny, long Londolovit nambis long Augus 10.

 MV Lihir Destiny i makim dispela visen bilong ol pipel bilong Lihir, na kamap bilong en long Lihir, i soim sain bilong sakses bilong tripela Spesifik Isius kampani husait igat giraun insait long Plant Site, Caldera na Kapit. Dispela tripela kampani em Balasie, Caldera na Saberte(BACASA).Dispela sip bai save wokim ol ron igo ikam long Lae, na bihain bai surukim ron bilong em tu igo long Tabar na Manus ailan.

Long toktok bilong em, siaman bilong BACASA, John Kapsa, i tok tenkiu long Newcrest long sapot bilong en; Anitua Grup ov kamapanis; Lihir Bisnis Sevis; Lihir Mining Area Landowners Association (LMALA); na Nimamar Lokel Level Gavman (NRLLG), na emi singaut long niupela gavman long sapotim dispela sip.Emi tok tenkiu tu long ol bisnishaus na ol Asian komiuniti long Lihir long bikpela sapot long yusim dispela sip, we emi wanpela invesmen we ino pas wantaim main na sapos main i pinis, emi ken stil sapotim ol papa graun.

“Mi laik askim olgeta man long Lihir, husait i laik yusim dispela sip, yu welkam na mipela lukim olsem dispela sip em bilong yumi ol Lihir long bihain taim main i pinis,” em i tok.Bob Hall, bosman bilong SouthSea Lines, kampani we BACASA ikam aninit, ibin tokaut olsem olihamamas long kam long Lihir.

“Mi hamamas long mipela i kam long hia, na yupela imas andastan olsem South Sea Lines emi gat longwei yet long go na em bai kamap wanpela gutpela sasteinabel bisnis long hia long Lihir,” Mista Hall i tok.

image Above: MV Lihir Destiny. Pic by Liz Tami

 

 

Anitua and NCS Newsletters now available for download

Go to top